ကုႝဂြံည႘သာညိမန္

ၐိုန္ရေကၜာန္မာန္ကုီေလဝ္ ေကၜာန္ေထက္ ဟြံေထက္ ဒးခ်ပ္ဗၥာ၊ ၐိုန္ရအာဂြံကုီေလဝ္ အာေထက္ ဟြံေထက္ ဒးခ်ပ္ဗၥာ၊ ၐိုန္ေကတ္ဂြံကုီေလဝ္ ေကတ္ေထက္ ဟြံေထက္ ဒးခ်ပ္ဗၥာ၊ ၐိုန္ယိုက္မာန္ကုီေလဝ္ ယိုက္ေထက္ ဟြံေထက္ ဒးခ်ပ္ဗၥာ၊ ကမြဲအုဲ အုဲအတိုင္ဂၜဳင္ မန္မြဲပေရံ ပေရံအတိုင္ဍဳင္ဂွ  လၸဒုင္ယဿဳ၊ ဒဒန္ဆုဏံ ၐိုန္ရ ပု႙ပလုီမာန္ ပလုီဂြံကုီေလဝ္ ပလုီေထက္ ဟြံေထက္ ပု႙ဒးခ်ပ္ဗၥာ ရဏာကၜာရ။

ေဝင္ပှာန္မၢး ဒးကၜဳိဟ္ျပယာဲ၊ ေဝင္ပေရင္ဍဳင္ကြာန္မၢး ဒးကၜဳိဟ္စှာဲ။ ဟြံတီျပယာဲ ဟြံတီစှာဲမၢး ဒးက်ညး ေဟင္ဂ္ွ အာစာပေရင္ပှာန္၊ ပေရင္ဍဳင္ကြာန္တအ္္ ဟုီလဝ္ႏြံရ။ ပႜဲအရာေဝင္ပှာန္ဂ္ွ လုပ္လၸာ္လႀကဵမၢး ဘလၸာ္ဂတ၊ ဒှာဲညးဟြံခယ်၊ အခိင္ညးဟြံခယ်ဂ္ွ ႐ုဲတုဲဗၲဳိက္၊ အခိုက္ဗုီဏအ္ႏံြမံင္ေရာင္ဂ္ွ မှိဟ္ဗြဲမဂၜဳိင္တီမံင္ရ။ သရာဲပှာန္ ကြတ္တဲၐုိတ္လုႝေစာန္န္ ကၜဳိဟ္ျပယာဲသှေအာန္၊ သတိေအာန္မၢး ဒးက်ညးေဟင္ရ။ ဗညာဓရာံ ဗညာလၢန္အိန္ တအ္ ကြတ္တဲေစာန္ ဗြဲမေလာန္ကၜာေလဝ္ ဂြံဒးက်အာဗဿာတအ္ဂ္ွ ဟုိတ္္ႏူတီကၜဳိဟ္ျပယာဲ သှေအာန္အာရေရာင္။ ပေရင္ဍဳင္ကြာန္ေလဝ္ သာ္ဂ္ွကုီရ။ အခိင္ကာလ ဨကရာဇ္ဗဿာ ေမန္ဃံင္ ဇက္ကၜဳင္ဗၲဳိက္ ဍဳင္ဟံသာဝတ႘ေတံ၊ ဒပ္ပှာန္ ဨကရာဇ္ရာဇာဓိရာဇ္ ကုတ္ထပုိတ္ဂြံ ဂၜံင္ဍာန္ပလံင္ေဇြာံမတုဲ ညးတအ္ေၾကပ္ကၜဳင္မၢး- ဟုီဂးတက္က်ာ ေဒါအ္ ပန္ေပွာ္ ဒက္ပၲန္ဓဝ္ၐုိဟ္လလံ ေကင္ႏံြကၜဳင္ရ။ ဂြံကေလင္စဵဇူ ပေလဝ္ပေလတ္ ပေကာံျဇဟတ္တုဲ ကၜဳင္ဗၲဳိက္ပၜန္ ေကင္ႏံြကၜဳင္ ၐါပိဝါဂ္ွ ဒ္ွစှာဲရေရာင္။ ဝင္အတိက္ႏူ ေသၛာဲေသၛာဲေတံဂ္ွ ယုႝယုိက္လဝ္မၢး ၿဇဳိင္သြက္ဇကုတုဲ ဆက္တရဵလဇုဲလဇမာန္- ဒုင္ေကတ္သာ္ဂ္ွမၢး ဒးအလီ ထပ္တုဲထပ္ပၜန္ေရာင္။ လၛတ္ဝင္ဂ္ွေကတ္ေဒၜံေဗၲာန္ ပႜဲဝင္ရ။ ဝင္အတိက္တအ္ဂ္ွ သြက္ဂြံရပ္လဝ္ ကုိန္ဂစုိတ္ဟြံေသင္။ တီမံင္ဒှက္မၢး ေဝင္ပဲါဒး သုီဗၜးဘဲသှ- ေကတ္ေပဲါအံင္ ဇှးဂြံမာန္ရ။ ဟုိတ္ဂ္ွတုဲ တဲဍဳိန္ပႜဲပေရင္ပှာန္ ပေရင္ဍဳင္ကြာန္ ၿပိဳင္ပၠာန္ကၜဳင္မံင္ (၆၀) သှာံျပင္င္ဏအ္ အလုႝအသ႘ ဗဿာတအ္ ဗုီလုႝေကင္ေကၜာန္ကၜဳင္မံင္ဂ္ွ ပု႙ဒးကေလင္ရံင္ ကတ္လၛတ္တီလဝ္စှာဲ /ျပယာဲညးတအ္ ေထက္ေရာင္။

ဂၜံင္တရဵသဿတ္မန္ ယဝ္ဗိုန္ေကဿာန္မၢး။

သဿတ္မန္တအ္ ေဇှာ္ေမါဝ္မၢး ဂကူမန္တအ္ အံင္ဇှးကၜဳင္ေရာင္ ဂွ္ ညးသဿတ္မန္ မႏြံလညာတ္ အဆံင္သၛ႘ဂၜိပ္ အကာဲအရာ ပေရင္ေကာန္ ဂကူမန္တအ္ ဂမၜိဳင္ ဒုင္ကၜဳင္တဲ အိုတ္ေရာင္။ပူဂႝု မစိုန္သကီု ပေရင္မှိဟ္၊ ပေရင္ပိုန္ျဒပ္၊ အဆံင္မသၸစှး ဒတဲုဖႝုအပႜဲပေရင္ ေကာန္ဂကူ၊ ပေရင္အာကႜိဳပ္ အပႜဲဂၜးကဝ္ တအ္ဝြံ ဓရ္ပေတွ္ လမ်ီဳပေရင္ ကေမၜာန္ညးတအ္ဂွ္ စပၲံကၜဳင္ႏူ ဘဝသဿတ္ေတအ္ေရာင္။ ဟိုတ္ဒွ္သာ္ဂွ္ရ ဂၜံင္တရဵ ပေရင္ သဿတ္ တအ္ဝြံ ပဿိက္ေဇှာ္ေလာန္ သြက္အကာဲအရာ ဂြံအာစိုပ္ တိုင္ပၠဵ ေပဲါအံင္ဇှး မြဲမြဲေရာင္။

အခန္ပေရင္ ေကာန္ဂကူမန္ဝြံ ဒွ္အခန္မေကာ္ဆဵ ကုဂကူတှဟ္တအ္တဲု သဿတ္မန္ဂမၜိဳင္တအ္ ပေရင္ဂစာန္လ႘ြပရာ ကေမၜာန္ဂကူ ၐတ္ကှာတ္ကႝု ဂကူတှဟ္မာန္မၢး အဆံင္ပေရင္အံင္ဇှး ဂကူမန္ဂွ္ ၐတ္ကှာတ္ ကႝု ေကာန္ဂကူညး တအ္မာန္ကီုရ။ အပႜဲေကင္ကာ ပေရင္ေကာန္ဂကူဝြံ သဿတ္တအ္ဂွ္ ဒွ္မှိဟ္ အဓိကတအ္ သြက္ဂြံဓမံက္ကႝု ရုပ္ရဵဒတဲုဖႝု ပေရင္ကေမၜာန္ တအ္ေရာင္။ သဿတ္မန္တအ္ ဒုင္က်ေထာံမၢး ဂကူမန္တအ္ ဒးက်လေလင္အာ သြက္အေခါင္အရာ တအ္ကီုေရာင္ ဟီုဂးမာန္ရ။

ပေရင္ျပံင္သၜာဲ အကာဲအရာ ဍဳင္ဂၜးကဝ္ဝြံ ကဿိန္ဍဳင္နာနာ ဂမၜိဳင္တအ္ စြံကၜဳင္ပဓာန္ ကႝုညးသဿတ္တအ္ဂမၜိဳင္ သြက္ဂြံဍိဳက္ေပင္ကႝု ဍာ္ဒေကဝ္ပေရင္အာကႜိဳပ္တဲု လြ႘ၐံင္ကၜဳင္မံင္ အဆက္က္ကီုရ။ ကဿိန္ဍဳင္ လၛႝဳတအ္ဝြံ သီုမေကၜာန္ဗဒွ္မံင္ အဆံင္သဘင္ သၜာဲဂတးလညာတ္ ကႜိဳပ္သၠိဳပ္သဿတ္ဂၜးကဝ္ (Global  Young Leader Conference ) တအ္ကီုရ။ ဂကူမေဇှာ္ေမါဝ္ တအ္ဝြံ ဒှာဲတင္ဍိဳန္လ် အကာဲပေရင္ ကေမၜာန္ ဍဳင္ကြာန္ညးတအ္ ဂွ္ သီု ကႝုအေခါင္ကု ညးသဿတ္ ညးတအ္တီ ပေရာပရာတအ္ ကီုေရာင္။

သဿတ္မစိုန္သကီု အရာပေရင္ကေမၜာန္ ဒတဲုဖႝုဂေကာံ၊ ပေရင္ဍဳင္ေကုာံ ပေရင္ဂကူတအ္ဂွ္ ရဲုစွ္ပတိုန္ေလ ဿင္င္သှာံတဲု ႏူကႝုေဗာ္ပေရင္ဍဳင္ကြာန္ ညးတအ္၊ ဂေကာံမသၸစှး ပေရင္ ေကာန္ဂကူညးတအ္ သီုကႝု ေကၜာန္ဗဒွ္ကႝု ပေရင္ပတိုန္စိုတ္ဓါတ္ ကီု၊ ဂရင္ပၲီအာတ္မိက္ကႝု သြက္သဿတ္ေကက္သၠာ ညးတအ္ ဂြံကလိဂြံ တဆိပ္ၾကာ ကႜိဳပ္သၠိဳပ္သဿတ္ဂၜးကဝ္ (Global Youth Leadership Award) ကီုေရာင္။

ကေလင္သၛ႘ဂၜိပ္ရံင္ ဍဳင္အေဃာ မေဖာအ္ျဗ႘မံင္ (ဝါ)ေကာန္ဂကူအေဃာ မရုန္ဂစာန္မံင္ သြက္ဂြံ ဒက္ပၲန္ေကတ္ အေခါင္အရာ ဗဗြဲဓဝ္ေကာန္ဂကူဇကု၊ ပေရင္သၜးပြး အပႜဲပြ႘ဳဳေကာန္ဂကူ ဇကုတအ္ဝြံ ညးသဿတ္ဂမၜိဳင္ တအ္ မပါလုပ္မံင္ ဒှာဲအခန္ ပဿိက္ေဇှာ္ေဇှာ္ မြဲကီုေရာင္ဂွ္ ဂြံဆႝုေကတ္မာန္ရ။ ဂၜံင္တရဵဗ်ဳဳဟာ ပေရင္အိုႆီုတအ္ဂွ္ ႏူကႝုေဗာ္ပေရင္ဍဳင္ကြာန္၊ ဂေကာံမႏြံ အဆက္စပ္တအ္ ေဖ်ံေကတ္ပေရင္သၢဳတ္သြာတ္ ကီုေလဝ္ ကာလ ဒးဓမံက္ထၞးရုပ္ရဵ ပေရင္ကေမၜာန္တအ္ဝြံ ပေရင္ျဒဟတ္ သဿတ္ဂွ္ ဒွ္တဵအဓိက ေဇှာ္ေဇှာ္မြဲေရာင္။

ကဿိန္ဍဳင္လၛႝဳတအ္ဝြံ သဿတ္မေလာန္ၐက္အယုက္ ၁၈သှာံ (ဝါ) ၂၁ သှာံတအ္ဂွ္ သဿတ္အဝယ္မစိုပ္ သြက္ဂြံအုပ္ဓုပ္ ေကတ္ဇကု မာန္ေရာင္ စဿတ္သမၲီကၜဳင္ရ။ သဿတ္မႏြံအဝယ္ ၁၃ သှာံစိုပ္ ၁၉ သှာံတအ္ဂွ္ သဿတ္အဝယ္ပၜိဳင္င္ (tennager )ေကာ္ခဵတဲု ဒွ္သဿတ္မႏြံ သဿဝ္ပေရင္အုပ္ဓုပ္ မိမတအ္ရ။ ဟြံမြဲကႝု အေခါင္သၢဳတ္သြာတ္ေကတ္ ပေရင္ဒတဵလိုင္ ဇကုအပိုင္ကီုရ။ သဿတ္မႏြံအယုက္ ၂၅ သှာံ လၸာ္လၲဳဳတအ္ဂွ္ သဿတ္မစိုပ္အဝယ္ေရာင္ သမုတ္တဵကၜဳင္အိုတ္ရ။ အပႜဲကႝု ဂေကာံ မရဲုစွ္ညးသဿတ္တအ္ သြက္ဂြံေကာပ္ကာဲ အာကႜိဳပ ္အပႜဲကႝုသြာင္ ဂၜးကဝ္အနာဂတ္ (GYLAC) ေတအ္ဝြံ ညးမႏြံအဝယ္ ၄၀ သှာံ လၸာ္ သဿဝ္တအ္ ဝြံ မပါလုပ္အေဝါင္ သဿတ္ဏီေရာင္ စဿတ္သမၲီ ကၜဳင္အိုတ္ရ။ ဂေကာံဝြံေလ ဿင္င္သှာံ ရဲုစွ္ေကတ္ ညးသဿတ္ ေကက္သၠာ သြာင္ဂၜးကဝ္၂၀၀ တၜတဲု မဇိုန္အာပ္ကႝု မံင္ တဆိပ္ၾကာ သဿတ္မအာကႜိဳပ္ဂၜးကဝ္ ကီုေရာင္။

အပႜဲအၾကီဳမုက္ဝင္ ပေရင္ေကာန္ဂကူမန္ ေခတ္တဿိဏအ္ဝြံ သှာံ၁၉၄၈ေတအ္ သဿတ္မန္ ညးမဆာန္ဂကူမြဲ ဂေကာံတအ္ ကႅိဳက္ကႝဿဳတိုန္ သြက္အေခါင္အရာ ေကာန္ဂကူမန္ ဗြဲမျပာကတ္ကီုရ။ သဿတ္မန္ နာဲယ႙ွဳေက်န္၊ နာဲထဝ္ေသာန္ ၊ နာဲင႙ၛဳတိင္၊ နာဲဆာန္မန္၊ မိဟံသာ၊ တအ္ သၸကၜဳင္စှးကႝု ပေရင္ေကာန္ဂကူမန္ ဗြဲဗဗြဲကႝုေခတ္ ညးကႝုအခိင္ညးမာန္ကၜဳင္တဲု ဆဝ္ပၛဳဟ္ကၜဳင္ ညးသဿတ္မန္ ၊ေကုာံ အလံုေကာန္ဂကူမန္ ဂမၜိဳင္တအ္ ဂြံပါလုပ္ အပႜဲအခန္မဒက္ပၲန္ ပေရင္သၜးပြး ေကာန္ဂကူမန္ တအ္ေရာင္။

အခန္အာကႜိဳပ္ပေရင္ေကာန္ဂကူမန္ ေခတ္တဿိဏအ္ဝြံ ဖက္ေဆာ ညးအုပ္ကာေၾတံေဗာ္ဍဳင္မန္တဿိ နာဲဆာန္တိ၊ ညးအုပ္ကာေဗာ္ဒ႘မဝ္ကေရၿဇ႘ ေကာန္ဂကူမန္ နာဲေစာန္တဿး၊ ေကုာံ ဖက္ေဆာ ညးအုပ္ကာ ေဗာ္ဒ႘မဝ္ကေရၿဇ႘ ေကာန္ဂကူမန္ နာဲဟံင္ဍဳင္တအ္ဝြံ အာကၜဳင္ကႜိဳပ္အဆံင္ မသၸစှးပေရင္ ေကာန္ဂကူမန္ ႏူဘဝသဿတ္ေတအ္ ကီုေရာင္။ အပႜဲသြာင္ဂေကာံကြး ဘာတကၠသႝုမန္တအ္ကီု၊ လၸာ္ဂေကာံ သင္သဿတ္မန္တအ္ကီု၊ ဂေကာံကြးဘာမန္ စိုပ္ဌာန္ေမၛာဲတအ္ကီု၊ ဂေကာံသဿတ္မန္ ဂမၜိဳင္တအ္ကီု ေကုာံ အပႜဲဌာန္ပရိုင္မန္ ဂမၜိဳင္တအ္ဝြံ သဿတ္မန္ဂမၜိဳင္တအ္ သၜးေကတ္အတၲ အိုတ္တဲု ပါလုပ္မံင္ အခန္ပေရင္ကေမၜာန္ သြက္ဒတဲုဖႝု ပေရင္ေကာန္ဂကူမန္တအ္ ဗြဲမကၲိဳင္င္ကမွ္ေရာင္ဂွ္ ဂြံဆႝုေကတ္ မာန္ေရာင္။ ယင္ ပေရင္ခ်႘ဒရာင္ အိုႆီုတအ္ဝြံ လမ်ီဳေဍံမဂ်ိဳင္ တဵအာမံင္  သြက္ အနာဂတ္မုက္ဝင္ ေကာန္ဂကူမန္တအ္တဲု ဒွ္အရာ မပတိုန္စိုတ္ဓါတ္ ကုသဿတ္မန္ အဆက္က္ဂမၜိဳင္တအ္ ဂြံပါလုပ္ အခန္ခ်႘ဒရာင္ ပေရင္ေကာန္ဂကူမန္ တအ္ေရာင္။

ဂေကာံသဿတ္မန္ တအ္ဂမၜိဳင္ ညံင္ဂြံစိုပ္ကၜဳင္ အဆံင္ပေရင္ သၜးပြးဇကုအပိုင္ အပႜဲအရာသၢဳတ္သြာတ္ ပေရင္ဒတဵလိုင္ ဂေကာံတအ္ဂွ္ ပဿိက္ေဇှာ္ေလာန္ရ။ ညံင္ ဂြံဗၜးၐးတိတ္ ႏူကႝု ၾသဇာ ဂေကာံေဗာ္ ပေရင္ဍဳင္ကြာန္မြဲမြဲတအ္ဂွ္ ဂပ္ဝ္ဒးယိုက္ဒိုက္ ဒးကႝုအာျဒဟတ္တဲု သြက္ဂြံဓမံက္ထၞးကႝု ဂၜံင္တရဵ ဓရ္ပေတွ္ သဿတ္မန္တအ္ ခံင္င္မာန္ဂွ္ ဒးစမ္ၐတ္အာ ကီုေရာင္။ သဿတ္မန္ဂမၜိဳင္ မုအရာ ဂပ္ဝ္မြဲ ဒးပါလုပ္ အပႜဲအရာ ခ်႘ဒရာင္ ပေရင္ေကာန္ ဂကူမန္ဂွ္ ေဗာ္ပေရင္ဍဳင္ကြာန္မန္၊ ဂေကာံသဿတ္မန္ေကုာံ ပူဂႝု မကၜိဳဟ္ခၜင္ ပေရင္ ေကာန္ ဂကူမန္တအ္ ဒးဓမံက္ထၞးအာကႝု ဂၜံင္တရဵတအ္ေရာင္။

သဿတ္မန္တအ္ ဂပ္ဝ္ ဒးတီကၜိဳဟ္ လဝ္ သဇိုင္အကာဲအရာ ပေရင္ေကာန္ဂကူမန္ရ။ ဂပ္ဝ္ ဒးတီကၜိဳဟ္လဝ္ ဝင္ေကာန္ဂကူမန္ ၐိုတ္ေထက္ႀကိဳက္ ကီုရ။ ညံင္ရဵ ပ႙ုသဿတ္မန္တအ္ မကတ္လၛတ္ပေရင္ ဗဟုသုတ အကာဲအရာ ပေရာပရာ ဍဳင္လိုက္တအ္ကီု၊ ပေရာပရာ ပေရင္ေကာန္ဂကူမန္ဂွ္ ဒးတီကၜိဳဟ္လဝ္ေထက္ရ။ ညံင္ရဵ မဟီုခိုဟ္ ကၜိဳဟ္တီလဝ္ ပေရာပရာ ဝင္ ကႜိဳပ္သၠိဳပ္ဂၜးကဝ္ တအ္ကီု ညးလႝုဒွ္ ကႜိဳပ္သၠိဳပ္ပ႙ုမန္ေရာဂွ္ ပ႙ုသဿတ္မန္ဂမၜိဳင္တအ္ ဒးကႝုအခိင္ ခ်ပ္ဗၥာ လၛတ္အာေထက္ကီုေရာင္။

ပ႙ုသဿတ္မန္တအ္ ဟီုဂးပေရာပရာ ေဗာ္ဒ႘မဝ္ကရာတ္ေတတ္၊ ေဗာ္ရ႘ဗါတ္ဗရ႘ေကန္ ကဿိန္ဍဳင္အေမရိကာန္ မာန္မၢး ဒးဟီု ပေရာပရာ ေဗာ္ဍဳင္မန္တဿိ၊ ေဗာ္ဒ႘မဝ္ကေရၿဇ ႘ေကာန္ဂကူမန္ ၊ေဗာ္ဒ႘မဝ္ကေရၿဇ႘ အလံုရးမာန္ကီုေရာင္။ အပႜဲကဿိန္အေမရိကာန္ဝြံ ေဗာ္ၐါတအ္ မသၸစှး ကႝု လဿိဟ္မှိဟ္ ၃၃၀ ျပေကာတိကိုဋ္ျပင္င္တဲု မထိင္ဒဝ္မံင္ အဝႝုၾသဇာ ပေရင္ဍဳင္ကြာန္ အလံုလိုက္မြဲရ။ အပႜဲကဿိန္ဍဳင္ဗမာဝြံ ဂကူမန္ဂွ္ ဒွ္ဂကူမေအာန္ျဒဟတ္ မှိဟ္တဲု ဒးဇီုလပိုက္မံင္ကႝု ပေရင္ေကာ္ဆဵ ေကာန္ဂကူတှဟ္ဟ္ တအ္ေရာင္။

ဍဳင္မန္ေစွ္အာ သဿဝ္တဲဗမာ၊ ဍဳင္ဗမာေစွ္အာ သဿဝ္တဲေအဂၤလိက္တအ္တဲု သြက္ဂြံပၲန္တဿိဝြံ သဿတ္ေကာန္ဍဳင္ အရင္ဂမၜိဳင္ ပါလုပ္ကၜဳင္ ဒှာဲအခန္ဒက္ပၲန္တအ္ ဗြဲမကၲိဳင္ကဿဟ္ဂွ္ ဂြံဆႝုေကတ္ကီုရ။ သဿတ္ေကာန္ဍဳင္အရင္ ဂမၜိဳင္တအ္ သၸကၜဳင္စှးကႝု ပေရင္ေကာန္ဂကူ ညးကႝုညးဂွ္ ဂြံဆႝုေကတ္မာန္ရ။ ရုန္ဂစာန္ကၜဳင္တုပ္ကီုေလဝ္ အေခါင္ပေရင္ သၜးပြးတအ္ကလိဂြံ ဟြံတုပ္သဿးတဲု ေကာန္ဍဳင္အရင္တှဟ္ဟ္ဂွ္ ဒးစိုပ္အာ ဘဝဍိဳက္သဿဝ္တဲ ဂကူဗမာ ညးတအ္ ရ ဟြံေသင္ဟာ။ယင္ဝြံ ဟိုတ္ျဒဟတ္ ထၞးလဘာ္ တၜပညာဂကူဗမာ ညးတအ္တဲု ဗြဲဒဒွ္ ပေရင္ေကက္သၠာ သဿတ္ဗမာ အံင္သာန္ဂွ္ဝြံ ဗီုတိဍဳင္ဗမာတဿိဏအ္ ဂြံအေခါင္ဗၜးၐး မံက္တိတ္ကၜဳင္ အပႜဲဂၜးကဝ္ဏအ္ဂ ွ္ညးအဲ ဂြံဆႝုေကတ္လဝ္ေရာင္။

အကာဲအရာ ပေရင္ဍဳင္ကြာန္ သဇိုင္ပေရင္မှိဟ္ ကဿိန္ဍဳင္ဗမာဝြံ အလႝုအသ႘ ဂကူဗမာတအ္ ပခ်႘ေဝင္ဏာမံင္ မြဲဗီုတဲုမြဲဗီုမာန္ကၜဳင္တဲု၊ စိုတ္ဓါတ္ ဂေကာံေဗာ္ပေရင္ဍဳင္ေကာန္

အရင္ဂမၜိဳင္တအ္ ဒးခ်႘ဗက္အာမံင္ လၲဳဳအကာဲအရာ မေအာန္ျပယာဲ သြက္ပေရင္အံင္ဇှး မဂတာပ္အခိင္ တအ္ကီုရ။ ျဒဟတ္ေဗာ္ေကာန္ဂကူ ဇကုတအ္ ပၚတိတ္အာမံင္ ဗြဲလြးလြးတအ္တဲု သဿတ္မန္တအ္ဂမၜိဳင္ လညာတ္ပၚတိတ္ အာကီုရ။

သဿတ္မန္ ထံက္ဂလာန္ေဗာ္ဍဳင္မန္တဿိ၊သဿတ္မန္ထံက္ဂလာန္ ေဗာ္ဒ႘မဝ္ကေရၿဇ႘ အလံုရးမန္၊ သဿတ္မန္ ထံက္ဂလာန္ ေဗာ္ဒ႘မဝ္ကေရၿဇ႘ ေကာန္ဂကူမန္၊ သဿတ္မန္ထံက္ဂလာန္ ေဗာ္ေအန္ေအဝ္ဒ႘ ေကုာံ သဿတ္မန္မဒတဵလိုင္ အၾကာတအ္ ကၲႝဳဒွ္ကၜဳင္ကီုရ။ အကာဲအရာတအ္ဝြံ သဿတ္မန္ဂမၜိဳင္တအ္္ ဂပ္ဝ္ ဒးညာတ္ကၜးေကတ္တဲု သြက္ဂြံဒက္ ပၲန္ ဓရ္ည႘သာသဿဟ္န္ အၾကာသဿတ္မန္ တအ္မာန္ဂွ္ သဿတ္မန္ဂမၜိဳင္ ညးအဲတအ္ ဒးဘိုင္ခ်ပ္အာကႝုေထက္ေရာင္။

ဒွ္ေကာန္ဂကူမန္မြဲ၊ သဿတ္မန္မြဲမၢး သြက္တာလ်ိဳင္ပေရင္ ေကာန္ဂကူမန္ဂွ္ မုဒးေကၜာန္ေထက္ေရာ၊ သြက္ဂြံဒွ္ကၜဳင္ကႝု ဂၜံင္တရဵပေရင္ သဿတ္မန္မာန္ဂွ္ ေဗာ္ပေရင္ဍဳင္ကြာန္မန္တအ္၊ ဂေကာံသဿတ္မန္တအ္ ဂမၜိဳင္၊ ပူဂႝုမစိုန္သကီု ပေရင္ေကာန္ဂကူ၊ ပေရင္ဍဳင္ကြာန္ဂကူမန္တအ္ ဂမၜိဳင္ ဒးဘိုင္ခ်ပ္ ဓမံက္ထၞးအာကႝုေရာင္။ ဂၜံင္တရဵသဿတ္မန္မြဲ ယဝ္ ဗိုန္ေကဿာန္ကၜဳင္မၢး သဿတ္မန္ဂမၜိဳင္ ပါလုပ္ကၜဳင္ ကေရာံကေမၜာန္ ဒက္ပၲန္ အေခါင္အရာပေရင္ေကာန္ဂကူမန္၊ ပေရင္သၜးပြးေကာန္ဂကူမန္ မာန္ကၜဳင္ကီုရ။ သဿတ္မန္လႝု ဒက္ပၲန္ကႝုပေရင္ကေမၜာန္ ဍာ္ဒေကဝ္ပေရင္အာကႜိဳပ္ သြက္အေခါင္အရာ ပေရင္သၜးပြးေကာန္ ဂကူမန္မာန္၊ ၐတ္ကှာတ္ကႝု ေကာန္ဂကူဇကု ဒးေကာ္မံင္အဆဵဂွ္ မာန္ေရာ၊အပႜဲမုက္ဝင္ ေကာန္ဂကူမန္ကီု၊ ဝင္ဂၜးကဝ္တအ္ဂွ္ ကီု မင္ဒုင္တၜဳင္ ခ်ဴဇန္မံင္ေရာင္။

အပါဟံင္မန္

{jcomments on}

ပၪၥဂုဏံအနႏၲံ ပႜဲကုႝဂုဏ္ေဇှာ္မသုန္ျပကာဂွ္ ဂုဏ္မိမၐါေလဝ္ပါမံင္ကုီရ။ မိဟုီဂွ္ အတိုင္က်ာ္ႀတဲတြံလဝ္ ပႜဲဇာတ္ေဇှာ္ေတံမၢး ဍာ္တွ္ဒၥိတ္ဗေဗင္ ယိုက္ေဂၜင္ဒၥိတ္ဂိတု၊ ေမတၲာမိမၐါ ပဿာညံင္ရဵဍာ္ၾကဳင္ဂနဂုၪၨရာ ၐိုဟ္ဂံက္ေကဝ္ျဇဳင္ ဗြဲမေလာန္ရ။ ႏူဂတာဇိုင္ၐါလပုဟ္ စုႝကုႝေဇှာ္ေဂါဝ္ကၜဳင္ မိမၐါလြ႘လြတ္မံင္ညံင္ရဵေဒၛာဝ္မြဲမ ဒးေက်ာဝ္ဒးဗုႝ ညံင္ရဵကဗ်မြဲပိုဒ္ ဒးပည႘ဒးပညပ္ ညံင္ရဵသဿာဥဒ်ာန္ ဒးပေလဝ္ဒးပေလတ္မံင္ကုႝေကာန္လဿိန္ အခိင္ရ။

ဂုဏ္မိမၐါေဇှာ္ၿပဲေလာန္ နဲေကာန္ဂြံဆာပ္ေရာ္ပေရဂွ္ ဟြံဆုႝဏီရ။ ႏူပှးပဲါ လွာဲပှးပုင္ ၐိုန္ရဒုင္ယုႝေကတ္ ညံင္ဍိက္ကူလ႘ကုီေလဝ္ ဂုဏ္မိမၐါေျပအာဟြံေလာဲရ။ အတိုင္ဒြက္ဟံင္ဆာန္ဒေယွ္လဝ္ ဂုဏ္မိမၐါ ယဝ္ဒးေပၲာံကုႝ ဒုႝမၢးဒုႝဂွ္ ဒွ္ဆတဿာျဂင္ဂၜဵရ။ ယဝ္ဒးေပၲာံကုႝ ၐ႘မွာသဿိတ္မၢး ၐ႘ဂွ္ဒွ္ဆတဿာဍာ္ခၜိဳင္ရ။ ယဝ္ေပၲာံကုႝ ဂၜးစကၠဝါမၢး ဂၜးစကၠဝါဂွ္ ဒွ္ဆတဿာဂှာရ။ က်ာ္ႀတဲပု႙ဒွ္က်ာ္တုဲ တှဟ္နဂြံဆာပ္ပေရဂုဏ္မိ တိုန္တြံဓဝ္ ပႜဲဍဳင္သြဝ္ ဒှဲါမိဇကုႏြံဂွ္ ဆာပ္ပေရဂြံဆၐိုတ္တွ္မြဲမ တွ္မြဲလၸၚညိေကြံ။

ဒပ္ပှာန္ဝံသ ဂကူမန္-ခမာ ၐါဂကူ အပႜဲဍဳင္မန္ဗမာဝြံ၊ ေဗာ္ဍဳင္မန္တဿိ(New Mon State Party)ဂွ္ မသၸသၨိဳင္ ဒှာဲတိဍာ္ပယ်ႝဳ ေသံဗမာတဲု၊ ေဗာ္ည႘သဿဟ္ဂကူဝ မေကာ္ဂး ယူဒဗလ်ဳဳအက္သ္ေအ (Unity of Wa State Army) ဂွ္၊ မသၸလဝ္ဌာန္ဒတန္ အပႜဲပယ်ႝဳဗမာ-ၾကဳက္ တြႝဳရးဍဳင္ေသံကီုရ။ ေဗာ္ဍဳင္မန္တဿိဝြံ ဒွ္ေဗာ္မန္ အခန္အဓိက မေဇှာ္ ပဿိက္မြဲေရာင္ လဿိဟ္မှိဟ္ဂကူမန္ အပႜဲဍဳင္မန္ဗမာ၊ ၾကပ္ၐိုတ္ပိျပေကာတိကိုတ္တအ၊္ ဒုင္စဿတ္သမၲီလဝ္ အိုတ္ရ။ ဍဳင္မန္ဗမာ ကလိဂြံဗၜးၐး ႏူသဿဝ္တဲ ျဗိတိသွၽ စွ္သှာံတ၊ဲု စဒက္ပၲန္ကၜဳင္လဝ္ ေဗာ္ဍဳင္မန္တဿိရ။ တင္ပၲဝ္ကႜိဳပ္ ေဗာ္ဍဳင္မန္တဿိ ဗြဲေကှာတ္ေထာဋ္ဂွ္ ၊ သြက္ဂြံဒက္ပၲန္ ဍဳင္မန္တဿိ မႏြံကႝုအဆံင္မှိဟ္ ဗဗြဲဓရ္တအ္ေရာင္ လၛတ္ဂၜာဲရံင္ ဗီုျပင္ဒက္ပၲန္ အပႜဲညးတအ္မၢး၊ ဂြံတီေကတ္မာန္ရ။